IÑAKI ZUBELDIA

Iñaki Zubeldia hitzaldia hasi baino lehen, 6. mailakoek aurkezpen hau egin zuten.


Egunon guztioi!

Laster bukatuko zaigu ikasturtea, baina oraindik geratzen diren aukerak aprobetxatu nahi ditugu.

Bai, eta gaur duguna ez da makala, ez horixe!

Eta zer dugu? Zertarako elkartu gara liburutegian?

Ba gaur liburu bat komentatzeko 5. eta 6. mailako ikasleok gaude bilduta.

Gainera liburuaren egilea etorri zaigu. Zelako suertea!

Eta nor da bada egile famatu hori?

Ba Iñaki Zubeldia euskal idazle ospetsua.

Bai, berarekin Txerrikumeen abenturak liburuak komentatuko dugu.

Ongi! Gainera ez pentsa berak idatzitako liburu bakarra denik!

Ez, ez! Liburutegitik gain-begirada batez hauek ere topatu ditugu:

Guk irakurritakoa: Txerrikumeen abenturak.

Nire aita ezin nuen salbatu.
Josu Azalaren abenturak.
Mirari hegalari.
Ipuin eroa
Oparirik ederrena.
Euskaldun bat Marten.
Pako Belea.
Pako Belearen bihurrikeriak.
Txikiak baina bizkorrak.
Tximu bat klinikan.
Eta gehiago egongo dira hortik ezkutatuta….
Ba ongi etorria Iñaki Zubeldiari!

Jabier Muguruza

Jabier Muguruza 3. zikloko ikasleekin solas egitera etorri zen

6. mailakoek aurkezpen hau prestatu zuten eskerrak emateko.

AURKEZPENA

Egunon guztioi!

Badakizue aste honetan irakurketa eta liburuak izan direla protagonistak gure eskolan?

Beno eta jakingo duzue ere gaur liburuaren eguna ospatzen dugula!

Bai, baina ez bakarrik Berangoko eskolan, mundu osoan baizik!

Eta gaur zer programa dugu?

Oso interesgarria! Begiratu, orain, liburutegian elkartu gara 5. eta 6. mailako ikasleok irakurritako liburua komentatzeko.

Gainera liburuaren egilea etorri zaigu. Zelako suertea!

Eta nor da bada egile famatu hori?

Ba Jabier Muguruza euskal idazlea eta musikari ospetsua.

Hala da bai. Begiratu, otar honetan ekarri ditugu berak idatzitako liburu batzuk eta, bakarka grabatutako diskoren bat ere.

Ikus ditzagun liburuak:

Guk irakurritakoa: Sei lagu, sei sekretu.

Nagusientzako liburuak ere baditugu: Laura kanpoan da.

Bizitza puzketak.

Eta diskak?

Ba hauek:

Fiordoan

Boza barruan

Gitarra bat nintzen

Aise

Liberpool-Gernika.

Taxirik ez.

Eta hara! Beste zerbait badago! Uste dut kasetea edo deitzen dela: Ja ja

Bere lehenengo lana, umeentzako musika.

Ba ongi etorria Jabier Muguruzari.